Plantun de Prouvènço

Pèr coumpara dos planto d'encò nostre

Campanula thyrsoides & Typha domingensis

Campaneto(-en-tirse)

Campanula thyrsoides

Campanulaceae

Autre noum : Campanello.

Nom en français : Campanule en thyrse.

Descripcioun :
Aquesto campaneto, raro dins noste relarg, trachis dns li pelouso roucaiouso de mountagno mejano. Se recounèis eisadamen à si noumbróusi flour jauno en espigo, si fueio estrecho en lanço e sa cambo boutisso e peludo. S'atrovo mai en Savoio e dins lou Dóufinat.

Usanço :
Couneissèn pas d'usanço particuliero pèr aquelo planto. Escriéure au site se n'en sabès mai.

Port : Erbo
Taio : 20 à 50 cm
Fueio : alterno
Tipe bioulougico : Emicriptoufite
Cicle bioulougico : Renadivo mounoucarpico

Gènre : Campanula
Famiho : Campanulaceae

Ordre : Asterales

Coulour de la flour : Jauno
Petalo : 5
Ø (o loungour) flour : 0,5 cm
Flourido : Printèms - Estiéu

Sòu : Ca
Autour basso e auto : 1200 à 2200 m
Aparado : Noun
Jun à juliet

Liò : Pelouso roucaiouso - Esboudèu
Estànci : Coulinen à Subaupen
Couroulougi : Ouroufito-Aupenco
Ref. sc. : Campanula thyrsoides L., 1753

Paviho-rousso

Typha domingensis

Typhaceae

Àutri noum : Fielouso, Filouso, Masseto, Cire, Sagno.

Nom en français : Massette australe.

Descripcioun :
Coume tóuti li Typha, la paviho-rousso se recounèis à sis espigo femello e masclo. N'i'a cinq meno de Typha ; aquelo se destrìo, de segur de la coulour de l'espigo femello, rousso, mai peréu de si fueio pas trop largo e en mié-ciéucle en coupo, e tambèn de la loungour de separacioun entre li dos espigo (2 cm). Li fueio an d' auriheto gaire redouno au contro de T. angustifolia (vèire lou dessin).

Usanço :
Li fueio de paviho podon èstre utilisado pèr lou sagnage di cadiero e li flour pèr rempli li matalas. Se saup mens que li brout soun manjadis coume d'espargo. Se pòu faire de farino emé li racino e uno meno de pan emé l'agriero.